من طينة الغربة إلى غربة الطيـن
أقدام تتهجّـى الثـرى و الحسافـه
|
مرّه تصافحهم مسافـه بـلا يديـن
و مرات تصفعهم يديـن المسافـه
|
من أول التخمين لين آخـر الميـن
يستنطقـون الأجوبـه بالكـلافـه
|
دعواتهم أقصر مـن المـدّ بآميـن
و اسرع من الرجفه بقلب المخافـه
|
يا قلّهم لا قلتلك ( واحد / اثنيـن )
ويا كثرهم لا قلتلك : ( بالإضافـه )
|
من العنـا ماستوعبتهـم عناويـن
ومن ال( أفااا ) صابتهم الفين آفـه
|
ومنهم كأنّ الجوع يستوفي الدَيـن
وفيهم كأنّ الدِيـن مثـل الخرافـه
|
صداماتهم أكبر من حـدود تخميـن
بالعدل والإنصاف " مابـه مرافـه "
|
مدري عرفتوهم أو احتاج قوسيـن
أوضح المعنـي بحـزن و لطافـه
|
همّ ( الفقارى ) اللي يجغرفهم الطين
بالجوع و الذل و معاني الحسافـه
|
[ غُرْبة : طِيْن ]
الاشتراك في:
تعليقات الرسالة (Atom)
:
ليست هناك تعليقات:
إرسال تعليق